Os familiares do desaparecido en Fisterra piden un maior dispositivo de busca
Esta pasada tarde de venres, ás 16:00h, cumpríanse 72 horas dende a denuncia da desaparición dun home na contorna do Faro Fisterra. J.A.C.L., natural de Frades (60 anos, 1,70, pelo e bigote branco) saía da súa casa o martes ás 12:00h e, ao ver que non voltaba a comer como cada día, os familiares presentaban a denuncia da súa desaparición ás 16:15h. A esa hora xusto el collía un taxi, chegando a zona do Faro ás 18:00h do martes.
Os familiares, o fillo e a nora do desaparecido, levan dende o mesmo martes peiteando a zona coa colaboración, que agradecen encarecidamente, de media ducia de veciños e veciñas e de Protección Civl. Con todo, pediron un maior dispositivo ás forzas de seguridade. De feito, pedían que as 72 horas de búsqueda prioritaria se extendesen ata as 18:00h, a última hora á que foi visto.
Piden máis efectivos por terra, mar e aire, e se preguntan por que non foi mobilizado o helicóptero de Salvamento dende o 112, que poderían ter aproveitado as manobras que están facendo estes días nesta emerxencia. Ademais, solicitan máis implicación na busca
Dende a Garda Civil informa que as 72 horas de busca preferente se cumpliron ás 16:00h do venres, pero aseguran que “non se vai interrumpir a busca”. Explican que durante a mañá de hoxe venres hai hai 3 patrullas de Seguridade Cidadá por terra e pola costa, e volve estar o helicóptero do Servizo aéreo da Garda Civil, o Grupo Especial de localización e rescate de Galicia, unha lancha do Salvamento Marítimo, Protección Civil. Explican que unha vez revisados os cantís tamén cos drons da AXEGA, que pasarán a buscar por terra e praias próximas, sinalando que se tivese caído ao mar, este tardaría arredor de 10 días en expulsar o corpo ás rochas.
Informan que ademais deron instrucións aos pescadores que faenan no mar que cando regresen se acheguen un pouco máis á costa
A Garda Civil informaron que preguntaron polos establecimentos da vila, unha das peticións que facía a familia.
