Domingo. 17.11.2019
El tiempo

Mar de Fábula convoca dúas xornadas de limpeza en Camelle e Arou para botarlle unha man ao mar

Lixo de todo tipo no areal de Camelle
Lixo de todo tipo no areal de Camelle
Mar de Fábula convoca dúas xornadas de limpeza en Camelle e Arou para botarlle unha man ao mar

Segue sendo un misterio a orixe dos residuos que cada día chegan ás nosas costas. “É como se o pañol ghrande cansado de nós, tivera valeirado o seu depósito creando un fluxo sen fin de refugallos plásticos multicor ao longo de toda a ribeira entre Camelle e Arou”, dubida Xosé Manuel Barros, a alma de Mar de Fábula.

Tamén é un misterio a orixe de centos de botellas de plástico cheas de aceite de xirasol que chegaron estes días pola zona. A opinión predominante dos veciños é que as botellas son a carga dalgún container reventado ao caer ao mar dende a cuberta dun barco que pasou polo Corredor Marítimo de Fisterra. Algunha voz atreveuse a relacionar este verquido co incendio e naufraxio do ro/ro “Grande América” que afundiu diantes das costas da Bretaña francesa o pasado 12 do cte. con 2.000 vehículos a bordo e 40 containers, varios deles con mercaduría perigosa, perdidos no mar.

Lixo na praia de Camelle

Ante esta situación a comprometida entidade Mar de Fábula fai un chamamento aos veciños de Camelle e Arou e a todos os voluntarios que queiran colaborar na recollida de tapóns e anaquiños de lixo plástico que nunha inxente cantidade, mesturados co “arghasso”, teñen chegado ás praias desta dúas vilas mariñeiras, moito máis á de Camelle.

Realizarán limpezas, de aproximadamente un par de horas, en:

  • Día da limpeza en Arou, domingo 24 de marzo ás 11:00 horas.
  • Día da limpeza en Camelle, sábado 23 marzo ás 11:00 horas .

Mar de Fábula poñerá as bolsas e lubas, para que todos lle botemos unha man ao mar.

Artigos de Xosé Manuel Barros

Novas relacionadas

Outras novas

Comentarios