Natural de Becerreá, ten o destino definitivo en Camariñas. Marta Castro é mestra de educación primaria e especialista en audición e linguaxe e en pedagoxía terapéutica. Unha desas codiciadas AL e PT que tando desexan os centros de todo o país ante os recortes da Xunta en materia de educación, pero que ten praza fixa no centro camariñán.

Está xa ta arraigada que o seu primeiro libro está baseado na nosa terra. ”O Faro das Mil Cores” abidibú Ed.] é un conto para nenos, que fomenta o respecto pola diversidade.

Saíu á venda hai unhas semanas e este venres 12 de xuño, será a súa presentación no Museo de Encaixe de Camariñas.

O libro ten numerosas referencias a Camariñas, como o encaixe, ou o propio Faro, baseado no máxico Vilán. Conta a historia de Maxi, que nace nunha vila mariñeira onde a xente vive coma sempre, traballa coma sempre e xoga coma sempre. Pero el é diferente. Ao principio, a vila non o acolle da mesma forma que a calquera outro neno, ata que un día de tormenta acontece algo inesperado que o converterá no heroe da vila.