Sábado. 24.08.2019
El tiempo

A preestrea do programa “Eu son Camariñas” encheu a vila do Encaixe de orgullo

Protagonnistas de Eu son Camarinas na preestrea
Protagonnistas de Eu son Camarinas na preestrea
A preestrea do programa “Eu son Camariñas” encheu a vila do Encaixe de orgullo

Máis de 150 persoas encheron o pasado domingo a Casa de Pedra para a preestrea do programa “Eu Son Camariñas”. O propio creador desta obra sobre o “orgullo camariñán”, Diego Alonso Freire, presentou e debullou polo miúdo este proxecto que leva en marcha 6 meses.

Diego Alonso recalcou no acto de preestrea que “éste non é o típico programa promocional no cal se mostran as paisaxes máis impoñentes de Camariñas, se non que trata de poñer en valor ás persoas do concello e mostrar a valía da nosa xuventude”.

Preestrea de Eu son Camarinas

Tamén pasaron polo estrado os Fran Barcia (acordeón), Belem Tajes (piano e voz), Carlos Barcia (guitarra), David Carril (gaita e vento) e JM Fernández (baixo).

Antes de proceder coa visualización, trouxeron un par de​ vídeo sorpresa, da man duns protaonistas, o gaiteiro xaviñán residente en Londres David Carril​ que non pudo asistir ao acto, así como doutro ​video do xogador de balonmán Víctor Vigo​. “O mellor deportista de todos os tempos da Costa da Morte” e xogador indiscutible do Quabit Guadalajara na mellor liga de balonmán do mundo formará parte deste proxecto promocional como o mellor exemplo do que a xuventude camariñana ten dado.

Despois dunha media hora de exposición do proxecto por parte de Diego Alonso chegaba o turno de enseñar o video promocional deste proxecto que emocionaba a todos e cada un dos espectadores que, ao remate dos caseque catro minutos do video, estouparon nun aplauso sinceiro e emocionado. Algunhas desas persoas que estaban nas butacas da primeira fila se acercaron aos creadores con bágoas nos seus ollos a felicitalos pola gran emotividade do traballo audiovisual.

A alcaldesa anunciou que a estrea oficial de Eu Son Camariñas será celebrada na tarde do venres santo dentro da sala de desfiles da Mostra do Encaixe de Camariñas. E así chegaba o momento da clausura do acto cos agradecementos de Diego Alonso a todos os participantes aos que emplazou a saír á rúa e levar con orgullo o nome de Camariñas.

O resto do mundo xa estamos desexando escoitar ese tema composto por Belem que nace do son dos palillos das palilleiras.

Novas relacionadas

Comentarios