Regoelle, a tea de araña dos eólicos da Costa da Morte

natureza eolicos regoelle

Regoelle, a tea de araña dos eólicos da Costa da Morte

07:25 15/02/18

Subestación de Regoelle vista dende o aire Despois de falarmos da estafa aos propietarios das fincas afectadas polas liñas de evacuacións eléctrica, ou das trampas na negociación das repotenciacións dos parques, hoxe toca repasar cales son os vindeiros movementos do Plan Eólico na Costa da Morte. Un plan que pasa pola instalación de 19 parques na bisbarra despois da aprobación da chamada Lei de Depravación de Galicia, e que recupera parques eólicos mesmo proxectados en 2011. De feito, o de Muxía xa están en plena fase de construción), e dos 19 previstos, 15 levarán a súa liña de evacuón á subestación de Regoelle (Olveira, Dumbría), o novo nó da rede eólica da comarca. A empresa semipública Red Eléctrica Española foi a encargada de construir esta subestación de 220 kV nestes pasados anos, está conectada coa estación do Mesón do Vento, e á que se irán conectando os parques de Mazaricos, Vimianzo, Zas, Coristanco, Santa Comba, Muxía… Como nos comentaba Jado Diéguez, de Ventonoso, “Regoelle convertirase nunha auténtica tea de araña, vai quedar rodeado de cables e grandes postes e tendidos eléctricos”. Aínda queda moita xente por joder.

Parques eólicos que evacuarán na subestación de Regoelle

Instalación	Concellos afectados	Promotor	Potencia (MW)
P.E. Campelo	Coristanco e Santa Comba	Kaekias S.A.	42
P.E. Monte Tourado-Eixe	Vimianzo	Fenosa Wind S.L.	36
P.E. Lagoa II	Zas	Engasa Lagoa S.L.	24
P.E. Lagoa I	Zas	Viruleiros S.L.	16
P.E. Monte Tourado	Vimianzo	Norvento S.L.	21
P.E. A Ruña II	Mazaricos e Dumbría	Eurus Desarrollos renovables S.L.U.	21
Biomasa Mazaricos	Mazaricos	Gas Natural Fenosa Renoavables S.L.U.	10
P.E. Outes	Serra de Outes	Eólica Galenova S.L.	27
Ampliación P.E. Virxe	Carnota-Mazaricos	Ceólica S.L.	4
P.E. Alto das Agras	Carnota-Mazaricos	Ceólica S.L.	6
P.E. Monte Tourado	Vimianzo	Sistemas Energético Edreira S.A.U.	6
P.E. Alto da Croa	Vimianzo	Gamesa Energía Galicia S.L.	8
P.E. Alto da Croa II	Vimianzo	Sistemas Energéticos Umia S.A.U.	24
P.E. Paxareiras II	Mazaricos	AV Paxareiras S.L.U.	24
Total conexión á Rede de Transporte no Nó de Regoelle 220Kv			261