Que orfos nos sentimos as familias cando temos problemas coas nosas crianzas. Para solventar algunha dúbida, a Asociación Vieiro, dentro da súa programación no ámbito da prevención familiar, comezou a súa andadura coas Escolas de Familia baixo o título: “Padres e Madres no océano educativo”.

Os obradoiros, que teñen unha duración de hora e media, que se levarán a cabo nas escolas familiares son sobre habilidades sociais, disciplina positiva, regras e límites e resolución de conflitos.

En Carballo

O luns 13 de novembro comezou a Escola Familiar Ceip Nétoma-Razo, que se desenvolve no antigo colexio Nétoma-Razo de 18:30 a 20:00 horas. As reunións celébranse mensualmente.

O mércores 22 de novembro comezou a Escola de Familias, que se desenvolve na sede de Vieiro sita na R/ Xazmíns, no 2, de 18.00 a 19.45 horas. As reunións celébranse semanalmente.

O venres 24 de novembro comezou outra Escola de Familia con carácter semanal. Ten lugar na sede de Vieiro sita na R/ Xazmíns, no 2, en horario de 19.45 a 21.15 horas.

A Escola de Familias CEIP Bergantiños está pendente de comezar o vindeiro mércores 13 de decembro en horario de 16:00 a 17:30 horas.

Na comarca

Ademais das anteriores escolas que se impartían no Concello de Carballo, a Asociación Vieiro trasládase a outros concellos da comarca de Bergantiños:

O luns 13 de novembro comezou a Escola Familiar CPI Zas de 16:00 a 17:30 horas. As reunións celébranse quincenais.

O xoves 16 de novembro comezaron dous colexios no CEIP Ramón Otero Pedrayo da Laracha. Unha de 17:00 a 18:30 h e outra de 18:30 a 20:00 h. Ambos con periodicidade quincenal.

Ademais, unha Escola está pendente do inicio do CEIP Celso Emilio Ferreiro de A Silva e do CEIP Eduardo Pondal de Ponteceso.

Participación

Calquera persoa interesada/a en acudir a algunha escola, pode anotarse chamando á Asociación Vieiro ao teléfono 981756161 ou a través do Whatsapp 604075815 deixando o seu nome, número de teléfono e a escola á que quere asistir.