O arteixán Miguel Sande presenta a súa novela “O Negociador” en Espiral Maior Foro
Continúa o espazo de Espiral Maior Foro afianzándose como un dos epicentros culturais máis importantes da comarca de Bergantiños. Faino, entre outras actividades, a través de constantes presentacións, xa cun píublico fiel e amante dos libros.
A seguinte visita será a do escritor e xornalista Miguel Sande (Pastoriza, Arteixo, 1961), que este xoves 30 de xuño, ás 20:00 h., presentará no espazo da Rúa do Sol, 34, a novela “O negociador”, publicada por Edicións Xerais.
Acompañarán ao autor no acto cultural a profesora, escritora e actualmente deputada no Parlamento de Galicia, Mercedes Queixas, e o propio escritor e director de Espiral Maior Foro Miguel Anxo Fernán Vello.
Miguel Sande, novelista, dramaturgo, poeta e xornalista, é autor de máis de 15 libros en diversos xéneros. No ano 1985 obtivo o Premio Nacional de Teatro Calderón de la Barca e foi tamén Premio de Teatro Rafael Dieste da Deputación da Coruña. Como poeta recibiu os premios Afundación e o Johan Carballeira do Concello de Bueu, e como novelista foi galardoado co Premio de Narrativa Repsol e o García Barros pola novela “A candidata”.
Novas relacionadas
- O Espiral Maior Foro convírtese tamén nunha Galería de Arte
- Diana Varela estrea os “Sábados Literarios” de Espiral Maior Foro.
- Espiral Maior Foro pon en marcha un "Clube de Lectura”.
- Miguel Anxo Fernán Vello impartirá un curso de poesía no Espiral Maior Foro.