Diana Varela estrea os “Sábados Literarios” de Espiral Maior Foro
Fantástica a aposta de Miguel Anxo Fernán Vello por dinamizar a vida cultural carballesa dende o seu Espiral Maior Foro (Rúa do Sol, 34, baixo). Ás presentacións (polas que teñen pasado ultimamente Miguel Anxo Mato Fondo, Miro Villar ou Rivadulla Corcón) xa se uniu o Clube de Lectura. Desta volta, para continuar apostando pola programación continua, Espiral Maior estrea os “Sábados Literarios”.
Faino este mesmo sábado, día 19 de marzo, ás 12:00 h., coa presentación da novela “A conxura” (Premio Xosé Neira Vilas de Novela 2020), publicada por Edicións Embora e obra da poeta, narradora, dramaturga e avogada cormelá Diana Varela Puñal.
Participarán no acto, ademais da autora, o avogado, político e escritor, natural de Coristanco, Xosé Antonio Andrade, e mesmo director de Espiral Maior Foro.
”Os actos do ciclo “Sábados Literarios”, que terán lugar en xornada matinal, permitirán celebrar a creación literaria galega do noso tempo, así como recoñecer e estudiar obras e autores da literatura galega contemporánea que por diversas razón poidan non estar agora mesmo de actualidade”, explica Fernán Vello.
Novas relacionadas
- Espiral Maior Foro pon en marcha un "Clube de Lectura”.
- Xuño 21: Diana Varela presentou a súa premiada novela na casa.
- Outubro 2020: “A conxura”, da cormelá Diana Varela Puñal, Premio Xosé Neira Vilas de Novela Curta.
- 2019: Entrevista: Diana Varela Puñal: "Sempre é necesario que a xente lea máis, e particularmente poesía”.
- 2011: Diana Varela presentou o seu primeiro poemario dixital aos fillos de Pondal.
