Branca Vilela presenta "Pesadelo da creación" no Espiral Maior Foro
O venres, día 29 de xullo, ás 20:30 h., terá lugar na sede de Espiral Maior Foro (Rúa do Sol, 34, baixo) a presentación do libro
“Pesadelo da creación”, publicado por Medulia Editorial e obra da poeta e escritora fisterrá Branca Vilela.
Acompañarán á autora no acto o escritor, crítico literario e director de Medulia Editorial, Xulio López Valcárcel, e o escritor e director de Espiral Maior Foro Miguel Anxo Fernán Vello.
“Pesadelo da creación” é o noveno libro de poemas dunha autora que foi galardoada coa Mención da Crítica norteamericana e co
Premio Escriduende da revista Educación 3.0. A obra poética de Branca Vilela foi traducida, entre outros idiomas, ao inglés, francés,
catalán, árabe e portugués, e a autora pertence á Comisión de Mulleres Escritoras do Pen Club Internacional.
Novas relacionadas
- O Espiral Maior Foro convírtese tamén nunha Galería de Arte
- Diana Varela estrea os “Sábados Literarios” de Espiral Maior Foro.
- Espiral Maior Foro pon en marcha un "Clube de Lectura”.
- Miguel Anxo Fernán Vello impartirá un curso de poesía no Espiral Maior Foro.