Venres. 30.09.2022
El tiempo

Carballo acollerá o 11 de setembro unha feira dedicada ao mel

Bercamel 2022 Carballo
Carballo acollerá o 11 de setembro unha feira dedicada ao mel

Coincidindo coa primeira feira dominical de setembro, a Praza do Concello de Carballo vivirá unha interesante Feira do mel. A Asociación Galega de Apicultura (AGA), a través da súa delegación na nosa comarca, organiza a Feira Bercamel coa intención de afondar en cuestións de interese para as persoas que se dedican á produción pero tamén de difundir as excelencias do mel entre toda a poboación. O Concello de

A feira do mel estará aberta de 09.00 a 14.00 horas, e en cada unha das tres carpas que integran Bercamel haberá distintos contidos: na primeira desenvolveranse charlas informativas de especial interese para os/as produtores/as, xa que participarán expertos en cuestións moi concretas relacionadas co seu traballo; na segunda haberá demostracións, e na terceira, degustacións. O programa complétase cun sorteo de dúas cestas con produtos da feira entre todas as persoas que realicen algunha compra.

Programa

  • Carpa 1:
    - 10.00 horas. “Naturación apícola”, por Lolo Andrade, técnico de Protección Civil e experto na loita contra a avespa asiática.
    - 11.00 horas. “Trampas e velutinas”, a cargo de Isidro Rodríguez, da empresa Plaguiber e responsable do Servizo Municipal de Control de Pragas do Concello de Carballo.
    - 12.00 horas. “Varroa e enfermidades das abellas”, a cargo dun veterinario de AGA.
  • Carpa 2:
    - De 09.00 a 14.00 horas. Exposición do interior dunha colmea acristalada poboada de abellas.
    - 10.00 horas. Demostración dunha laminadora de cera para as colmeas.
  • Carpa 3:
    - 12.00 horas. Cata comentada de Meles Cinco Estrelas.
    - 13.00 horas. Degustación de pinchos a base de mel.
    - 13.00 horas. Sorteo.

comentarios