Non cabe dúbida que as rutas de tapas son sempre un éxito garantizado na Costa da Morte. Compróbano ducias de concellos, asociacións empresariais… da comarca. A unión en clave gastronómica dos locais de hostalería dun concello parece un perfecto xeito de aproveitar fins de semana que se presentan sen outras alternativas claras de ocio, para desestacionalizar o turismo, e facer ademais así promoción da calidade culinaria dos nosos establecimentos.

Por iso tamén é interesante repasar as cifras dunha iniciativa como o Carballo por etapas 2019. A ruta gastronómica que enche a terrazas (sobre todo o domingo 26, que coincidiu ca feira) dos 17 bares carballeses que participaron, repartiu nada menos que 17.000 tapas (500 máis que o ano anterior) durante as dúas fins de semana. Os sorteos espallaron arredor dos 1.900 agasallos, e o tren turístico paseou a 2.200 viaxeiros e viaxeiras.

Os comensais disfrutaron da variedade da oferta das tapas e das elaboracións para esta edición, con propostas como salpicón, arroz, bacallau, ragú, solombo, chipiróns, gambóns, polbo, xamón ibérico, lombo, lacón, zamburiñas e moitos produtos máis.

Cifras que obrigan a facer unha valoración positiva, tanto pola organización municipal como polos bares.

Así, cómpre felicitar aos establecimentos A Barra Bar, A Nova Ferradora, A Nova Tasca, Cafetería Habanos 79, Cervecería Ágora, Cervecería A Tapería, Korner Carballo, Mesón A Cabaña, Mesón As Viandas, Oasis Restaurante-Vinoteca, O’Burato 26 Marisquería, Restaurante A Esmorga, Restaurante Mesón do Pulpo, Restaurante Vinoteca A de Pako, Taberna O Mexillón, Trattoría Pizzeria Vesuvio e Vinoteca Ánfora.