Carballo implanta o sistema de vermicompostaxe en 22 fogares
07:09 08/11/17
Representantes municipais mantiveron onte unha reunión con membros da empresa que xestionará o tratamento de residuos con miñocas
Despois dos bos resultados do programa de compostaxe caseiro posto en marcha polo concello de Carballo, dáse agora un novo paso e incoporan a "VermiCompostaxe". Así, un total de 22 familias partiparán nesta nova iniciativa para o tratamento dos residuos orgánicos. Este tratamento realízase con miñocas que se incorporan no vermicomposteiro. A implantación correrá a cargo da empresa especializada Ecocelta, que leva a asistencia técnica do programa no que participan
Sogama e o concello de Carballo. De feito, o presidente da Sociedade Galega de Medio Ambiente - Javier Domínguez Lino - mantivo onte unha reunión co alcalde - Evencio Ferrero - e co concelleiro de Obras e Servizos - Luis Lamas -, para abordar a posta en marcha deste proxecto.
Xa está aberto o proceso de inscrición dun mes para todas aquelas familias que queiran participar neste importante proxecto para conseguir un Carballo Sostible. O vermicomposteiro e a formación para o seu uso ofreceranse de xeito gratuíto grazas á colaboración entre Sogama e o concello de Carballo. Como en iniciativas anteriores, as vivendas que queden fóra desta fase pasarán a unha lista de agarda para posteriores accións.
As familias interesadas en participar poden poñerse en contacto co departamento de Carballo Limpo a través do número de teléfono 981 70 41 00, na web www.carballolimpo.com ou da conta de twitter @CarballoLimpo.
Novas relacionadas
- Xaneiro 17: 130 familias de Carballo participan no programa de compostaxe caseira.
- O programa de compostaxe caseira de Carballo dá un paso máis
- Marzo 2016: Carballo reduce 39 toneladas de residuos orgánicos co seu programa de compostaxe.
- A Milagrosa ten a chave da reciclaxe
- Os veciños de Carballo participan nun novo proxecto piloto de reciclaxe
- Carballo Limpo pon en marcha un sistema de fregado das beirarrúas
- Máis composteiros caseiros para un Carballo Limpo
- Por un Carballo Limpo
- Redacción QPC ([email protected])
- Concello de Carballo