Xoves. 09.12.2021
El tiempo

Carballo recicla 36 toneladas de textil no primeiro semestre do ano

Punto de recollida de roupa usada de Humana na Avenida Bergantinos de Carballo
Un dos 34 puntos de recollida de roupa usada de Humana en Carballo
Carballo recicla 36 toneladas de textil no primeiro semestre do ano

Durante o primeiro semestre do ano, a veciñanza do noso concello depositou nos colectores da Fundación Humana un total de 36.214 quilos de téxtil usado para darlle unha segunda vida a través da reutilización ou a reciclaxe. Algo menos que o ano pasado, pero serán unhas 163.000 pezas as que teñan unha nova vida,.

Deste xeito, ademais de reducir a xeración de residuos, estamos promovendo a creación de emprego verde, xa que an entidade organizadora da campaña “Humana”, xera un emprego indefinido por cada 30.000 kg de téxtil recollido, e os recursos obtidos destínanse a proxectos sociais: en tres décadas de actividade, tres millóns de persoas víronse involucradas nos programas de desenvolvemento nos países do Sur da man de socios locais: formación de profesorado de primaria, impulso da agricultura sostible ou loita contra o VIH/SIDA, entre outras accións.

Hai moito marxe de mellora a verdade, xa que cada cada galego/a refuga cada ano entre 20 e 30 quilos de téxtil, pero só se recupera o 10%. Sen embargo, a recollida selectiva de roupa ten moito potencial para garantirlle unha segunda vida: o 50% pódese reutilizar e máis do 35%, reciclar. Por iso é importante que se deposite nun contedor de roupa; pero case o 90% do residuo téxtil non acaba no punto de recollida adecuado.

comentarios