O Casino1889 despide o inverno con libros e música

Pendentes eternamente do xuízo, a vida do Casino1889 non para. O epicentro cultural da vida carballesa quere despedir o inverno cunha serie de actividades.

O venres 18, a partir das 20:30h, acollerá a presentación de “Un billete de ida”, a primeira novela -que xa se encontra nas librerías- de Raquel Fariña Veiga. Falarán coa escritora natural de Carballo sobre esta inquietante aventura ao máis puro Stephen King.

Para culminar a fin de semana, o sábado día 19 contaremos, a partir das 22h, cun concerto de NÜCA, o proxecto musical en solitario de Pablo Saenz Carballeira, compositor e produtor ferrolán. Nüca arrinca en 2019, cando Pablo decide dar o salto á música electrónica tras pasar por outros estilos, como o krautrock ou o postpunk.
Para esta cita hai unha doazón para o artista de 4.5€ socias (5€ público xeral). A reserva de entradas: casino1889@gmail.com.

NOVAS SOBRE O  CASINO

• 05-03-2022: O Xuízo que decidirá o futuro do Casino adíase ao 12 de xullo.
• 04-03-222: Un maratón de actividades para #SalvaroCasino.
• O Casino, de documental galego en documental galego.
• O Casino1889, cheo de actividades durante a semana.