A AC Escola do Alpendre de Carballo prepara unha serie de Obradoiros de verán vencellados cosa nosa tradición. Serán desenvoltos no 2º Andar do Mercado Municipal carballés e algúns xa dan comezo este mesmo venres 7 de xullo.

É o caso de iniciación á pandeireta, para mozos e adultos, que imparte Iria López.

A partir de aí irán caendo outros de iniciación de Baile solto con Hadrián García; Gaita e percusión con David Puñal; de pandeiro cadrado con Iria López (que incluirá unha sesión de construción).
Tamén, hai opcións de Canto e baile miúdo para nenos de 0 a 6 e de xogos mediante danzas tradicionais para nenos a partir de 6 anos con Rocío Bello.

Xa contra o final haberá outras sesións máis completas para profundizar sobre o baile nas terras de Soneira con Hadrián García; da pandeireta na comarca de Ordes con Iria López; do baile como acompañamento instrumental con Hadrián García, e de creación de melodías tradicionais con David Puñal.

Todos os obradoiros serán impartidos neste mes de xullo no 2º andar do mercado municipal de Carballo, agás o de construción de pandeiro cadrado que será no Centro Social de Oza.

Cómpre inscribirse en [email protected].