Xoves. 28.03.2024
El tiempo

Carnota, concello pioneiro en mapear os seus sendeiros

Carnota, concello pioneiro en mapear os seus sendeiros
Mapa dos roteiros de Carnota

A Asociación Monte Pindo Parque Natural quere convertir ao Concello de Carnota nun exemplo de como poñer en valor as túas rutas de sendeirismo. Así, a entidade costeira e Google veñen de rubricar un convenio para desenvolver o Programa Trekker Monte Pindo, para, ao longo do mes de abril, mapear as rutas de sendeirismo do municipio, converténdoo no primeiro en contar cos seus sendeiros na plataforma Google Street View.

Unha ferramenta que permitirá a millóns de persoas percorrelos virtualmente desde Google Maps, Google Earth, etc... Así, como fixeron os trasnos co Camiño dos Faros, os voluntarios amantes do Olimpo Celta colocarán a mochiña a xa mítica mochila Trekker para percorrer, durante o vindeiro mes de abril, 26 rutas (36 incluíndo as variantes que ofrece cada unha) que suman un total de aproximadamente 110 km en territorio carnotán.

Así, o Concello de Carnota amplía a súa oferta natural, e completa a Senda Verde, conectándoa co Pindo a través de Cornido e o Chan das Lamas, e creará unha nova Senda Azul, conectando o norte e o sur do Concello cun sendeiro costeiro.

Museo Aberto

Será un bo reclamo para poñer en valor todo o contido do Museo Aberto de Carnota cos seus sitios arqueolóxicos, a Senda Verde, os hórreos de Carnota e Lira, varios miradores e a famosa praia de Carnota.

Novas relacionadas

Fonte

Comentarios