Sábado. 28.03.2020
El tiempo

Luís Lamela homenaxea aos "escapados" do Monte Pindo

Luís Lamela homenaxea aos "escapados" do Monte Pindo
Luís Lamela presenta un novo libro que se desenvolve no lendario Monte Pindo. Titúlase, "Escapado", e foi editado por Edicións Xerais de Galicia. Con este libro, o autor completa a triloxía sobre a guerra civil na A Costa da Morte. O primeiro leva por título "Pepe Miñones: un crimen en la leyenda", no ano 1991. Ao que lle seguiu "Crónica de una represión en la 'Costa da Morte'", no 1995.

Escapado luis-lamela-escapado

"Escapado" é unha novela histórica que recupera a aventura dos "escapados" do monte do Pindo e dos desertores fisterráns do exército franquista pasados ao exército republicano. O libro reflicte tamén importantes episodios que transcorreron no penal da illa de San Simón, nas frontes de guerra, no exilio e nos campos de exterminio nazis, entre outros, como foi o famoso secuestro e fuga do pesqueiro muradán "AS" dende as illas Lobeiras; todo iso, realidades irrefutables, un puñado de historias entrelazadas para vencer o esquecemento, retratando as sombras dos mortos ao borde do axuste de contas, e, finalmente, a sorpresa dun desenlace que non podemos desvelar...

Luis Lamela

O corcubionés Luis Lamela é un dos pioneiros na restauración histórica da memoria do franquismo e do antifranquismo en Galiza desde unha actividade investigadora que comezou no ano 1987. Ata agora leva publicados os seguintes libros:
  • 1.- Pepe Miñones: un crímen en la leyenda (1900-1936), no ano 1991, en Ediciós do Castro (2 edicións publicadas).
  • 2.- Foucellas. El riguroso relato de una lucha antifranquista (1936-1952), no ano 1.992, en Ediciós do Castro (6 edicións publicadas).
  • 3.- Inmolados Gallegos. Alexandro Bóveda, Víctor Casas, Telmo Bernárdez, Adrio Barreiro..., en 1.993, en Ediciós do Castro.
  • 4.- Crónica de una represión en la 'Costa da Morte', no ano 1.995, en Ediciós do Castro (2 edicións publicadas).
  • 5.- Estampas de injusticia. La guerra civil del 36 en A Coruña y los documentos originados en la represión, en 1.998, en Ediciós do Castro (2 edicións publicadas).
  • 6.- A Coruña, 1.936. Memoria convulsa de una represión, no ano 2002, en Ediciós do Castro (2 edicións publicadas).
  • 7.- 1936, la 'Cruzada' en Compostela. La guerra civil y la represión franquista en los documentos policiales y militares, en 2005, en Ediciós do Castro.
  • 8.- Un monumento en el Campo da Rata. Razón y génesis, no ano 2.006, editado polo Ateneo Republicano de Galicia.
  • 9.- A represión da Masonería viguesa. Asasinados, encarcerados, extorsionados, depurados, exiliados, inhabilitados..., editado por Edicións A Nosa Terra no ano 2008.
  • 10.- Antonio Fernández Pita. Un alcalde fusilado por el franquismo, no ano 2008, editado polo Ateneo Republicano de Galicia.
Ademais da súa extensa bibliografía, colaborou tamén en periódicos e revistas especializadas como La Voz de Galicia ou El Ideal Gallego, Unión Libre ou Anuario Brigantino, participando tamén en charlas, congresos, seminarios ou mesas redondas sobre a temática da represión franquista e da guerrilla antifranquista en Galicia. Tamén e Asesor do Proxecto Inter-universitario As vítimas, os nomes, as voces e os lugares; e foi ademáis membro da Comisión Municipal de Aplicación da Memória Histórica, asesora da Comisión de Honores e Distincións do Concello da Coruña, para a retirada da simboloxía franquista na cidade. No ano 2006 foille otorgado o prestixioso galardón Faro Nerio pola súa actividade de recuperación da Memoria Histórica da Costa da Morte.

comentarios