Novos atrancos para a reapertura da piscina cando se cumpre un ano do seu peche
14:02 04/04/17
Os traballadores da piscina manifestábanse así o día do peche da Piscina o 4 de abril de 2016
Un 4 de abril de 2016 botábase o peche á Piscina Municipal de Cee. Os traballadores xa levaban case ano e medio denunciando unha situación laboral insostible, e tras moitas demostracións a cousa rematou en peche.
Xa vai un ano dende ese peche que deixa a milleiros de veciños sen un servizo tan importante como o da piscina e que deixa a unha quincena de traballadores na rúa. Un ano de moitas consultas, moitas promesas, pero ningunha decisión efectiva para permitir a volta á actividade, despois de anular o contrato de concesión coa empresa Aquacenit.
O peor é que a situación parece lonxe de solventarse. Mentres PSOE, PP e BNG denuncian retrasos por mor do alcalde unha vez que os grupos municipais decidían aprobar na comisión informativa unha Xestión Interesada, que tería que aprobarse en pleno.
Xa pasou máis dun mes e non hai pleno convocado, pero o meirande problema é que os Técnicos da Deputación veñen de opinar desfavorablemente sobre a Xestión Interesada. Deste xeito, o Concello terá que escoller, en pleno, entre Concesión administrativa ou contrato de servicios.
Entre tanto, os traballadores seguen sen cobrar e sen poder traballar. Denuncian que “o goberno municipal non fai máis que darnos largas co papeleo e non quere facer nada por abrir a piscina. E resulta que en Laracha tiveron o mesmo problema e o resolveron en 5 meses…”
Novas relacionadas
- Marzo 2017: PSOE, PP e BNG denuncian retrasos do alcalde para convocar o pleno que corrobore a xestión interesada da piscina municipal.
- 22-02-17: Máis de 600 sinaturas solicitan que a piscina de Cee sexa xestionada directamente polo concello.
- 20-09-16: O Consello Consultivo bota a Aquacenit da piscina de Cee
- 25-08-16: O BNG de Cee pide celeridade para solucionar o problema da piscina.
- 15-07-16: Os traballadores da piscina alzan a voz contra o alcalde de Cee.
- 01-06-16: A non-piscina de Cee, á escuras.
- 26-05-16: Esixen a intervención urxente do Concello ante a cascada de problemas ca piscina municipal de Cee.
- 15-04-16: Usuarios e traballadores maniféstanse pola piscina municipal de Cee.
- 06-04-16: Os traballadores da xa pechada Piscina Municipal de Cee, en folga contra a concesionaria.
- Outubro 2015: A CIG emprenderá accións legais contra a concesionaria da piscina de Cee polas acusacións contra un ex traballador.
- 03-03-15: A CIG esixe o inmediato rescate da concesión da piscina de Cee.
- 14-01-15: Denuncian a situación laboral na piscina de Cee.
Fonte
- Redacción de QPC ([email protected])