Hoxe, ás 19:30 horas, terá lugar no auditorio da casa da Cultura de Cee o 2º festival do presente curso académico que ofrecen os alumnos e alumnas da Escola de Música de Cee. Participarán alumnos de todas as idades e especialidades instrumentais, tocando tanto solos co seu instrumento como formando parte dalgún grupo instrumental. Por outra banda, Sara Fraga Díaz - alumna de violín desta escola de música - foi seleccionada xunto con outros instrumentistas do territorio nacional e do portugués para participar coa Xoven Orquesta de Galicia no encontro que esta formación orquestral realizará na Coruña entre os días 8 e 16 de abril e que se cerrará o domingo, día 16, cun concerto no Palacio da Ópera da Coruña, interpretando obras de J. Brahms, D. Shostakovich e R. Strauss. Novas relacionadas

• Aberto o prazo de matrícula da Escola Municipal de Música de Cee
• A clausura da Escola de Música de Cee en imaxes
• Cheo para ver ao alumnado da Escola de Música de Cee
• A escola de música de Cee presenta a súa canción para o concurso “Quero Cantar”
• A natación e a música tamén chegan ás escolas de Cee
• A Escola de Música de Cee estreou escenario na súa nova casa.
• A natación tamén chega aos programas lectivos dos centros de ensino de Cee.

Fonte

• Redacción QPC (info@quepasanacosta.com)
• Escola de Música de Cee