Dende o 1  ao 8 de setembro estará aberto no IES Fernando Blanco o prazo de matrícula para as ensinanzas de Educación Secundaria de Adultos (ESA), para o vindeiro curso 2025-2026.

Estas ensinanzas están destinadas a todas as persoas adultas que desexen obtero título de graduado en educación secundaria e poidan acudir en horario de tarde-noite.
Poderán matricularse nas ensinanzas para persoas adultas todas as persoas maiores de dezaoito anos, ou que os cumpran no ano 2025. 

 Aprendendo galego

Lembran  tamén que no IES Fernando Blanco se ofertan tamén ensinanzas para a aprendizaxe de Castelán e Galego para persoas migrantes. Son Ensinanzas Non Regradas impartidas en horario de tarde destinadas á poboación migrante, maiores de 16 anos. Para estas ensinanzas a matrícula estará aberta durante todo o curso 2025-2026.
 
Poden pedir máis información en 881880467 ou en ies.fernando.blanco@edu.xunta.gal