Aberto o prazo de matrícula da Escola Municipal de Música de Cee
08:06 13/09/16
A Escola Municipal de Música de Cee ten aberto - ata o vindeiro día 23 - o prazo de matrícula para o curso 2016/2017. Impartiranse clases de teoría, instrumento, linguaxe musical e, no caso dos máis pequenos, de música activa. As inscricións están abertas para nenos e nenas dende os 5 anos que xa poderán apuntarse en instrumentos como violín. E a partir dos 7 anos a lista exténdese a acordeón, frauta, guitarra, percusión, trombón, trompeta, clarinete, gaita, piano, saxofón, trompa e tuba-bombardino. A propia escola ten instrumentos de préstamo que os alumnos interesados poden solicitar.
Ademais, os alumnos e alumnas poderán participar nos grupos de pop-rock, de folk ou na Banda Musical que ten formada a propia Escola de Música.
A matrícula é de 20 €. Os interesados poden informarse nas oficinas do concello de Cee.
Novas relacionadas
- A clausura da Escola de Música de Cee en imaxes
- Cheo para ver ao alumnado da Escola de Música de Cee
- A escola de música de Cee presenta a súa canción para o concurso “Quero Cantar”
- A natación e a música tamén chegan ás escolas de Cee
- A Escola de Música de Cee estreou escenario na súa nova casa.
- A natación tamén chega aos programas lectivos dos centros de ensino de Cee.
- Redacción QPC ([email protected])
- Escola de Música de Cee