Cee propón unha primavera con Apego á lingua dende o berce

07:56 27/03/17

Cee é 7º o concello costeiro en adherirse ao programa Apego, un programa colectivo para fomentar e mellorar a transmisión do galego como lingua inicial. E o pasado venres o Concello presentaba as características deste programa creado de forma conxunta polos traballadores de Normalización Lingüística de diferentes concellos de Galicia e foi medrando ata conseguir ter xa 30 concellos asociados.

Destinado a crianzas de 0 a 6 anos e as súas familias, o obxectivo de Apego é a socialización en galego dos máis pequenos, fomentando e mellorando a transmisión do galego como lingua inicial. Por iso, o programa vai ferramentas axeitadas para facer máis fácil a socialización en galego, facendo evidente a importancia de mamar dende o berce o idioma, que é o que máis nos representa.

No acto, presentouse tamén a programación de Apego para os meses de abril, maio e xuño no Concello de Cee. O mes de abril estará adicado ao teatro infantil con representaciónspara bebés de 0 a 3 anos e tamén para mariores de 5 anos. En maio e xuño o gran protagonista será o fomento da lectura con cans. Actividades, todas elas, nas que se prima a relación entre infancia, cultura e idioma.

Como formar parte do programa Apego?

Se queres formar parte deste programa, xa podes facer uso de todos os materias didácticos e recursos da web apego.gal. Ademáis, se tes un fillo nado neste 2017 ou estás embarazada, podes pedir a túa caixiña “Apego”. Un fermoso regalo de benvida que contén todo o necesario para esta primeira incursión no galego: un peluche/manta do pulpo Po (mascota do programa), un CD con música en galego para os primeiros anos, un álbum do primeiro ano de vida, un medidor... Todo cun diseño bonito e moi ciodado. Podes conseguir o teu agasallo inscribíndote na páxina web apego.gal ou acudindo ao Servizo de Normalización Lingüística do Concello de Cee.

Máis información