Durante os meses de outubro e novembro estase a desenvolver o "Programa de prevención da violencia de xénero nos centros escolares do Concello". Un programa organizado pola Delegada de Presidencia, Benestar Social, Igualdade e Emprego en colaboración co CIM, e no que participan os centros IES Agra de Raíces, IES Fernando Blanco e Colexio Manuela Rial Mouzo, no que participou o alumnado de 2º, 3º e 4º da ESO.

E parece que o audiovisual se está meter nos concellos e nas aulas, como vimos en Ponteceso co programa Rec.Apacita. Pois en Cee, este ano dentro deste programa organizouse o I Concurso de Guións Cinematográficos: ”Cine nas aulas para a promoción da igualdade". Un certame que ten como finalidade a creación dunha ferramenta didáctica para a adquisición de valores preventivos en relación á violencia de xénero.

Así, co guión que levou o 1º premio gravarase unha curta que será presentada oficialmente o día 29 no salón de actos do Concello ás 12:30h.

E xa temos resultado final deste concurso:

• 1º Premio: "PENSA O QUE SENTES", de Mónica Allo González e Lorena Rey Castiñeiras, de 3º ESO do Colexio Manuela Rial Mouzo.
• 2º Premio: "MEDO A DECIR: ¡XA BASTA!", de Tanica Casais Blanco e Lorena Fernández Belmonte, de 2º A ESO do IES Agra das Raíces.
• 3º Premio: "ELIXE OUTRO CAMIÑO", de Iria Abelleira Castro, de 2º A ESO do IES Agra das Raíces.
• 4º Premio: "O CAMBIO FAINOS FELICES", de Sofía, Fátima e Yara, de 2º B ESO do Manuela Rial Mouzo.
• 5º Premio: "ÚNICA", de Cristina Canosa Prado, Icía López Vidal e Soraya Sendón Lago, de 4º B ESO do Manuela Rial Mouzo.

Novas relacionadas

• A mocidade de Ponteceo Rec.Apacita a través do audiovisual.
• II Certame de Carteis pola non violencia 2010: Os carteis da non violencia.
• II Certame de Carteis pola non Violencia: Un cartel contra os Malos Tratos.
• I Certame de Carteis pola non Violencia: A muller "toma a palabra".
• Corcubión comeza a elaborar o Plan de Igualdade.
• 4 imaxes que loitan contra a violencia de xénero dende Camariñas.
• As mulleres alzan a voz en Camariñas.
• A mocidade da Costa da Morte revírase contra a violencia de xénero.
• Loitando contra o Fermento do silencio .
• O Soliloquio de Susana Alvite sobre o Día Internacional contra a Violencia de Xénero: Outro día máis sen razón de ser.

Fonte

• Nota de prensa do Concello de Cee.