Xa o apuntaba, con máis acerto social que lingüístico, o candidato á alcaldía de Cee Álvaro Fernández, no debate electoral artellado por QPC. A xuventude da zona estaría encantada coa posibilidade de ter un espazo onde patinar e practicar skate.

De feito, Samuel Piñeiro vén de realizar unha petición na plataforma Change.org, para constriuír esa pista de skate (o “eskieskai” do “Montañés”) na vila da Xunqueira. E xa conta con máis de 200 sinaturas.

A mocidade pide a pista pista de patinaxe “onde os que practican este deporte poidan facelo libremente, con seguridade e sen molestar aos transeúntes e demais usuarios dos espazos públicos”.

Unha pista que poderá ser un incentivo para que a xuventude realice actividades sas e ao aire libre, facendo de Cee ademais unha vila máis atractiva e xuvenil.

• Asina a etición en change.org para a construción dunha pista de Skate en Cee.

Novas relacionadas

• Debate en Cee: 4 candidatos auséntanse dun verdadeiro exercicio de democracia directa.

Fonte

• Redacción de QPC (info@quepasanacosta.com).