Aínda estamos en xaneiro, pero Darío Areas, Secretario da Fundación Fernando Blanco e responsable do Museo da entidade, prepara xa a gorxa, pois todo apunta a que neste ano 2026 batirá o récord de visitas guiadas.

Por agora, o ano con mais visitas guiadas concertadas no Museoceeense foi o do 2024 con 44. Neste 2026, xa levan 3 e teñen outras 31 concertadas polo que o máis probable sexa que o Museo pegue un estirón de visitantes.

Unha das causas é o traballo do Grupo Fianteira Turismo, con sede en Sanxenxo, que a través da súa Axencia de Viaxes Interrías, ven de concertar un total de 31 visitas guiadas. Así, os mércores de abril, maio e xuño, unhas 1.500 persoas de distintos lugares do territorio nacional a través dun circuito cultural de 6 días onde, ademais de Cee, os grupos visitarán A Coruña, Santiago e distintas localidades da Costa da Morte.

Poderán ver ademais, os Tesouros da Fundación.

Máis info sobre o Museo