As 16:50 desta tarde, os servizos de emerxencias recibían alerta por colisión entre dous vehículos na Estrada Comarcal AC-552 a altura do kilómetro 82 (no lugar de Sábade, no Concello de Dumbría). A estrada C-552 e lugar habitual de todo tipo de sinistros. Foto: Arquivo QPC Un turismo e un camión colisionaban, provocando feridas de diversa consideración aos ocupantes do turismo, dúas persoas de idade avanzada que precisaron do servizo de excarcelación dos Bombeiros para poder ser extraídas do vehículo sinistrado e trasladadas ao Hospital Comarcal Virxe da Xunqueira de Cee. A colisión provocou un breve corte de tráfico e fixo necesaria a intervención do servizo de mantemento de estradas pola presenza de líquidos esbaradios na vía. Xunto a estes desprazáronse a atender o sinistro efectivos da Garda Civil, Protección Civil e Bombeiros de Cee. A esta hora descoñécese a identidade e o estado dos dous ocupantes do turismo, que levaron a peor parte no choque.   Fonte: Emerxencias 112