Un traballador sufría esta mañá un accidente laboral mentres realizaba tarefas de mantemento nun depósito de gas en Toba, no centro de Aspadex. Foi pouco despois das 12:30h cando o depósito estoupaba provocando queimaduras na faciana do operario. 

O lume ademais propagouse polo monte, polo que desde o 112 Galicia informouse con celeridade a Urxencias Sanitarias de Galicia-061, ao persoal de Medio Rural, aos axentes da Garda Civil e a Protección Civil de Cee e Garda Civil de Muxía. Os responsables do centro xa tiñan controlado o lume á chegada da motobomba de medio rural, unha cuadrilla, e  un axente.