Volver ser o cobre o ben codiciado polos amigos do alleo. Se na noite do pasado domingo era unha tubería de gas en Carballo, onte foi un cable nun poste da luz da Amarela, en Corcubión.

Os ladróns serraron cunha radial os gordos cables, provocando ademais que un dos cables quedase medio colgado. Protección Civil e Garda Civil avisaban a telefónica para que acodise a solventalo e colocalo correctamente, pois o cable a cada hora estaba máis e máis baixo sobre a estrada, ata o punto de que un camión acabou enganchado e sufriu problemas na súa cámara frigorífica superior.

Quedan agora Protección Civil desviando o tráfico pesado, para evitar maiores problemas, esperando que a empresa chegue canto antes, pois xa que xa case nin os autobuses pasan, de modo que como tarden moito máis avisarán aos Bombeiros para cortar o cableado.