Aí os vemos, aos corcubioneses Marcos Trillo e Noemí Bermúdez de Castro, de Cataventos Escola de Vela, promocionando xunto co Presidente de Portos de Galicia, o Porto Deportivo de Muxía no Salón Náutico Grand Pavois de La Rochelle.

Unha gran ocasión para espallar o turismo náutico por toda Europa, pois a Bretaña Francesa, o outro Finisterre moito mellor preparado para recibir ao turista, é un dos puntos de maior tráfico de barcos de vacacións.

A feira celébrase na localidade francesa ata o domingo 22 e constitúe un evento de referencia no panorama náutico internacional. Portos de Galicia encabeza nela a estratexia promocional dos portos deportivos galegos que, como o porto de Muxía, establecen contactos para o desenvolvemento de negocios internacionais con usuarios doutros portos europeos.

Novas relacionadas

• O Porto Deportivo de Muxía recibiu 144 barcos nos seus 3 primeiros meses.
• O outro Finisterre. O verdadeiramente preparado para o turismo.

Fonte

• Marinamuxia.com.
• Redacción de QPC ([email protected]).