Este mércores 17 celebrouse na Casa de Cultura de Corcubión un encontro co Voceiro de Sumar Galicia e número 2 ao Parlamento pola provincia da Coruña, Paulo Carlos López, no que por un imprevisto de última hora non puido asistir o único membro costeiro da lista electoral, o corcubionés Alfredo Manuel González López.

O acto, que concurreu nun ambiente moi receptivo, contou coa participación do concelleiro de Sempre Corcubión Alfredo Benigno González García, pai de Alfredo Manuel, que manifestou o seu apoio a Sumar Galicia nas vindeiras eleccións galegas.

Paulo Carlos López atenderá as propostas para a Costa da Morte e ofreceu a súa colaboración con Sempre Corcubión, indicando que "xa teñen dúas deputadas no Congreso e pronto terán deputados no Parlamento de Galicia á súa disposición". López indicou que incorporarán ao seu programa electoral demandas coma o remate da construción da autoestrada da Costa da Morte ou un Centro de Día en Corcubión e a necesidade dunha Residencia de maiores, entre outras de suma importancia para a comarca.