Un Congreso Modelo de desenvolvemento na Costa

Corcubión Vimianzo Costa da Morte

Un Congreso Modelo de desenvolvemento na Costa

08:45 04/01/11

Ata o 15 de xaneiro todos aqueles investigadores, proxectos, empresas e emprendedores poden inscribirse para difundir a súa experiencia no marco do Congreso MODELO, "Marco de Oportunidades para o Desenvolvimento Local". Congreso organizado pola Asociación Finisterrae de Profesionais de Desenvolvemento Local (AFIPRODEL), formada polos activos técnicos de emprego e desenvolvimento local da bisbarra. Coo nos conta un dos técnicos, o corcubionés Norberto Pais, "os nosso principais objectivos som os de defender a profissom e trabalhar polo desenvolvimento dos territórios nos que actuamos". Nesa liña con este congreso prantexam unha liña de reflexión en positivo sobre o papel deste colectivo profesional e a potencialidade do eido local a tódolos niveis. O Congreso MODELO, que se desenvolverá os días 25 e 26 de marzo (en Vimianzo) e 1 e 2 de abril (en Corcubion) xa ten recoñecidos créditos de libre configuración da Universidade da Coruña.

3 espazos de comunicación

3 temáticas, que serán 3 espazos abertos á aprticipación de empresas, técnicos, asociacións, concellos, etc. que poden presentar en 10 minutos as súas iniciativas nas seguintes materias:

Iniciativas emprendedoras innovadoras.
O medio natural como oportunidade para o desenvolvemento sustentable.
As TICs no desenvolvemento local.

Máis información e inscrición

O procedimento para participar neste apartado está recollido na web www.afiprodel.org e en congreso.afiprodel.org. O prazo de presentación dos comunicantes remata o 15 de xaneiro de 2011.