Unha homenaxe Histórica a Pepe Miñones, o Republicano de Honra

Corcubión Vimianzo Cultura Costa da Morte

Unha homenaxe Histórica a Pepe Miñones, o Republicano de Honra

08:05 11/04/18

Pilar Minoñes co alcalde da Coruña, Xulio Ferreiro, na homenaxe a Pepe Miñones como Republicano de Honra 2018

A Comisión pola Recuperación da Memoria Histórica da Coruña nomeou ao corcubionés José Miñones Bernárdez Republicano de Honra 2018. E está en pleno programa de actos para celebrar a data e recuperar o nome daquel deputado republicano que tanto loitou pola Costa da Morte ata o seu asasinato no año 1936 polos franquistas. O gran valedor do tren das 3C (Coruña, Carballo, Corcubión) xa recibiu unha pequena homenaxe na súa vila natal, e agora faino a nivel provincial.

Onte, unha completa expedición rendía homenaxe na rúa coruñesa que leva o seu nome. O alcalde da Coruña, Xulio Ferreiro, lembrou que debemos combater a inxustiza de quen se empeña en impedir a restitución das víctimas do franquismo.

A súa filla Pilar leu unhas fermosas verbas que Blanco Amor lle adicou ao corcubionés, antes de facer a ofrenda floral e de ir facer un acto na libraría Moito Conto. Nuns actos aos que non quieron faltar representantes do Concello de Corcubión e de Vimianzo.

https://www.facebook.com/166476556697039/videos/1877214428956568/?t=2

Homenaxe a Pepe Miñones na Coruña

Máis actos

Hoxe, mércores 11 de abril, haberá varias recepcións institucionals: no Reitorado da Universidade, polo Reitor da UDC; no Pleno da Deputación da Coruña e no Concello da Coruña, polo Alcalde.

Para o xoves queda, ás 20:00h, a presentación oficial do Republicano de Honra na Real Academia Galega, cun membro da RAG, o historiador Luís Lamela e un representante da CRMH.

E o venres farase unhaofrenda floral e homenaxe ás vítimas do franquismo no Memorial da Avenida de Navarra (ás 19:00h) antes da Cea da República, no Hotel María Tryp do Paseo Marítimo. (Inscrición no 607506231 ou en crmhacoruna@gmail.com).