Sempre falamos da necesidade da formación para sector hostaleiro e turístico. Se a Costa da Morte quere aproveitar o turismo como un verdadeiro motor económico, non podemos ter un sector que non sabe idiomas, ou que non serve coa a debida atención.

E parece que se ten dado un paso coa presentación da Escola de Turismo Itinerante (ETI), unha iniciativa que naceu co obxectivo facilitar o acceso á formación a empresas do sector na nosa comunidade, contribuíndo desta maneira á mellora da capacitación e da imaxe do destino Galicia.

Unha responsable de Turismo de Galicia e a directora do Centro Superior de Hostalería de Galicia, Marta Fernández, presentaba en Muxía aos responsables do sector turístico do xeodestino da Costa da Morte, aos hostaleiros da zona, a ETI, ademais do Plan de Formación para este 2015 dando a coñecer os diferentes cursos que se convocarán dende esta innovadora escola para este ano.

Así mesmo, realizouse unha presentación sobre os obxectivos, beneficios e aspectos nos que incide o Manual de Boas Prácticas elaborado por Turismo de Galicia.

Plan de Formación

O Plan de Formación da Escola de Turismo Itinerante está orientado a mellorar posibles carencias dos establecementos de restauración en Galicia como poden ser a atención ao cliente, a resolución de conflitos, a hixiene e seguridade alimentaria, o posicionamento on-line e as ferramentas para mellorar a xestión destes establecementos, entre outros aspectos.

Os cursos, que son impartidos por formadores do Centro Superior de Hostalería de Galicia, son todos presenciais e están destinados ou a persoal base ou a xerentes, encargados ou propietarios dos negocios.

Novas relacionadas

• 14-08-15: O CMAT ponse en marcha conta co apoio económico da Xunta.
• 27-02-15: CMAT, constituído o ente que coordinará o Xeodestino Costa da Morte.
• 16-01-15: O CMAT podería estar en marcha en varias semanas.
• 18-12-14: A Costa da Morte entende a necesidade do CMAT.
• 08-12-14: Deputación e Concellos danlle un impulso ao CMAT.
• 20-11-14: Os Concellos apuntan ao CMAT.
• 19-11-14: Pablo Canosa: Levamos 10 anos de retraso e por iso fai falta o CMAT.

Máis novas turísticas

• Sabe o Concello de Fisterra aproveitar o potencial turístico da Fin da Terra?.
• En que gastan os Concellos as subvencións turísticas?.
• A bravura da Costa da Morte en pantalla grande.

Fonte

• Redacción de QPC (info@quepasanacosta.com).