A Xunta invesite 750.000€ na rehabilitación de varias estradas da bisbarra A consellería de Infraestruturas e Vivenda vén de licitar as obras de rehabilitación de firme nas estradas autonómicas da Costa da Morte. Esta actuación ten un prazo de execución de 4 meses e contan cun orzamento de case 750.000 euros. Ao tratarse dunhas obras de rehabilitación de firmes, non son necesarias expropiacións nin se afecta a ningún servizo que non sexa a propia circulación do tráfico, que estará debidamente sinalizado. Estes traballos que se licitan iniciaranse no verán e teñen como obxectivo a mellora destas vías. Así mesmo, estas tarefas permiten prolongar a vida útil do pavimento das estradas, concretamente actuarase en puntos situados nos seguintes tramos:

• AC-418: entre o punto quilométrico. 2,400 e o 6,600 (concellos de Carballo e Malpica).
• AC-429: entre o punto quilométrico 0,000 e o 0,300 (á saída de Ponteceso; concellos de Ponteceso (20 m) e Cabana de Bergantiños), dende o 2,500 ao 3,100, dende o 5,000 a 9,880 (concellos de Cabana de Bergantiños e Laxe); ademais, no tramo comprendido entre o 2,500 e o 3,160 (entre Neaño e Cabana).
• AC-424: entre o punto quilométrico 0,500 ao 1,000 e dende o 6,560 ata o 7,950 (concello de Ponteceso).
• AC-432: entre o punto quilométrico 0,370 e o 0,600 (travesía Vimianzo) e no carril central para circulación de vehículos rápidos existente entre o 3,520 e o 4,200 (concello de Vimianzo).
• AC-440: entre o punto quilométrico 0 e o 0,500, e entre o 1,500 e o 14,300 (concellos de Vimianzo e Muxía).
• AC-441: no punto quilométrico 16,600 (concello de Vimianzo) e no 18,800 (concello de Dumbría).
• AC-445: entre o punto quilométrico 0 e o 1,950 (travesías de Cee e Corcubión) e entre o 6,870 e o 7,640 (travesía Sardiñeiro, no concello de Fisterra) e entre o 10,880 e o 11,100 (travesía de Escaselas, no concello de Fisterra).
• AC-552: entre o punto quilométrico 57,100 e o 91,110 (concellos de Zas, Vimianzo e Cee); entre o 69,000 e o 71,00 (tramo que conta cun carril para circulación de vehículos rápidos), dende o 73,600 ao 74,800 (Berdoias), e dende o 89,000 ao 91,100 (travesía de Cee).

Estas actuacións forman parte do Plan de reforzos de firme co que a Consellería de Infraestruturas e Vivenda mellorará case 700 quilómetros de estradas de titularidade autonómica. Novas relacionadas

• A Deputación inviste máis dun millón de euros na mellora das estradas da Costa da Morte

Fonte

• Redacción QPC (info@quepasanacosta.com)
• Infraestructuras