Estes días están tendo traballo as entidades de Portección Civil facendo chegar ás casas todo o material escolar e material de protección individual que están enviando as administracións.

Comezando pola Xunta de Galicia, que está enviando aos concellos, residencias e entidades sociais da comarca case 70.000 unidades de protección nas tres últimas semanas para loitar na crise do coronavirus, ademais de 109 botes de 500 ml de xel hidroalcohólico e 121 garrafas de 5 litros de desinfectante. Cos diferentes envíos en conxunto os municipios e entidades da comarca recibiron 34.600 luvas, 30.982 mascarillas, 850 buzos de protección, 567 batas de plástico e 151 mandís de plástico, así como diverso material de produtos de desinfección e limpeza.

• Faltan os datos de Carnota, Mazaricos e Muros.

Tamén a A Deputación da Coruña distrubirá nas vindeiras semanas 230.000 mascarillas entre os 93 concellos da provincia. 130.000 xa están, de feito, en Galicia e xa comezan a distribuirse a través da plataforma loxística Clonegal da Xunta de Galicia.

Os Concellos, en pleno proceso de entrega

A Laracha

Continúa a distribución porta a porta, por parte de Protección Civil das 18.000 mascarillas cirúrxicas homologadas e da mesma cantidade de pares de guantes adquiridos polo Concello da Laracha. Despois de realizarse o reparto nas parroquias de Montemaior, Soandres, Soutullo, Golmar, Coiro, Lendo, Lemaio, Vilaño, Cabovilaño, Erboedo e na zona rural da parroquia de Torás, continuaron polo núcleo urbano.
En cada vivenda está a ser entregado un paquete composto por tres mascarillas e tres pares de guantes.

Vimianzo

O equipo de Protección Civil de Vimianzo recolleu esta mañá o material escolar que aínda estaba no CEIP Ponte do Porto de Camariñas e que pertencía ao alumnado das parroquias vimiancesas de Carnés e Cereixo.
Esta acción, en coordinación coa dirección e co conserxe do centro, permitirá que unha ducia de estudantes conten cos libros e demáis material que eles tiñan no colexio na casa, para poder completar dunha maneira óptima as tarefas que viñan realizando desde o comezo do estado de alarma.

Carballo

Cinco equipos integrados por persoal de Protección Civil, Brigada Municipal de Obras, Cruz Vermella e Carballo Deporte, que se suma con 10 voluntarios, iniciarán o luns pola mañá o reparto das 32.000 máscaras cirúrxicas homologadas adquiridas polo Concello de Carballo en todas as vivendas da zona urbana. A distribución farase porta a porta, igual que na zona rural.

Cabana

O Concello de Cabana de Bergantiños repartiu un total de 1000 mascarillas cirúrxicas entre os veciños que as solicitaron vía telefónica. A partir desta semana, o Concello comezará o reparto de 1000 pantallas protectoras entre os autónomos e traballadores cabaneses para que poidan desenvolver o seu traballo con seguridade. Continuará tamén o reparto de mascarillas cirúrxicas ata acadar as 3000 unidades que o Concello de Cabana adquiriu.

O reparto de mascarillas e pantallas farase a domicilio e empresas tras solicitude telefónica nos seguintes números: Policía Local de Cabana (618 747 376) e Teléfono de Atención aos Veciños (618 747 372).

Camariñas

Os voluntarios de Protección Civil xa comezaron o reparto do material escolar indicado polos centros educativos do municipio. Neste caso comezaron polos alumnos e alumnas do colexio da Ponte do Porto.

Zas