Cadelar con Nuba no cole de Laxe o ano pasado Nuba é unha fermosa Golden retriever, que xunto coa xente de Cadelar, está percorrendo os colexios da Costa da Morte realizando “Intervencións Asistidas con Animais (IAA)”, que son programas deseñados para promover melloras na función física, social, educacional, emocional e/ou cognitiva das persoas.

Nuba comportase como un facilitador, un motivador e un mecanismo de apoio para o usuario da intervención e así consegue dun xeito lúdico os obxectivos planeados. Ao seu carón as profesionais Julia Piñeiro e Irene García Patiño , formando un equipo ideal.

A entidade Aloumiños volve levar, como xa fixo o ano pasado, a Nuba polas escolas da bisbarra. Durante estes meses pasarán por cinco centros educativos da bisbarra.

Como novidade, este ano as actividades van ter un carácter máis personalizado xa que serán os propios nenos e nenas con algunha necesidade educativa especial (NEE) os principais beneficiarios destas sesións, nas que se traballará xunto co Equipo de Orientación e profesorado dos diferentes centros educativos, unha serie de obxectivos individualizados para cada un dos participantes. Asemade, contarase coa colaboración dunha Terapeuta Ocupacional, unha guía canina e o fundamental papel motivador dos cans.

Novas relacionadas

“Os coles da bisbarra gozan e aprenden con Cadelar” — Que pasa na costa “Cadelar: “É incrible ver cómo lles cambia a cara cando ven entrar a Nuba e o que disfrutan traballando con ela”” — Que pasa na costa