APTCM busca aliados empresariais
- Coca Cola e APTCM proxectan celebrar unha xornada divulgativa sobre boas prácticas ambientais en cafetarías, bares e restaurantes na Costa da Morte.
Continúa a nova directiva da APTCM, a asociación de profesionais do sector turístico da Costa dá Morte, buscando novos colaboradores para desenvolver iniciativas que sirvan de atracción. Desta volta, a patronal arbiu o seu contacto con Coca Cola Europacific Partners, pensando na posibilidade de desenvolver proxectos de hostalaría sustentable na Costa da Morte
O presidente da entidade costeira recibiu en Muxía a Gema Domínguez Barral, da área de comunicación de Coca Cola, e a Pedro Tasende, consultor e colaborador de Coca Cola. “Móvenos o interese de ser copartícipes da responsabilidade ambiental de toda a cadea de valor do noso sector”, sinalou Domínguez.
Ambas as partes acordaron volver reunirse e traballar nun marco de cooperación para dinamizar a sustentabilidade no sector profesional turístico. Nos próximos meses, Coca Cola e APTCM celebrarán unha xornada divulgativa orientada aos hostaleiros.
Novas relacionadas
- 01-12-22: A Asociación de Concellos do Camiño Fisterra-Muxía involucra a todo o sector.
- 30-11-22: O sector turístico é “optimista” e prevé un “bo” 2023 “cheo de oportunidades”.
- Setembro 22: A nova directiva da APTCM ponse a traballar para captar novos socios.
- Agosto 22: A nova directiva de APTCM xa se incorpora ao CMAT:
- Agosto 22: A nova APTCM aposta pola profesionalización.