Domingo. 05.02.2023
El tiempo

A Asociación de Concellos do Camiño Fisterra-Muxía involucra a todo o sector

Foto 2 do Encontro con touroperadores e tecnicos municipais de Turismo
A Asociación de Concellos do Camiño Fisterra-Muxía involucra a todo o sector

Non evento do sector turístico. Se o martes era a CMAT a que artellaba un encontro arredor do Destino Turístico Starlight”, este mércores foi a Asociación de Concellos do Camiño Fisterra-Muxía a que xuntaba no Parador unha trintena de profesionais do sector nunha xornada en Muxía.

Foto 1 do Encontro con touroperadores e tecnicos municipais de Turismo
O alcalde de Corcubión, Manuel Ínsua; o presidente da Asociación e alcalde de Dumbría, José Manuel Pequeño; o vicepresidente da Deputación da Coruña, Xosé Regueira; o rexedor de Negreira, Manuel Ángel Leis e o de Fisterra, Xosé Marcote.

Hostaleiros, touroperadores e técnicos municipais de Turismo foron os protagonistas nesta cita para lembrarlles riqueza do Camiño xacobeo. Precisamente, José Manuel Pequeño deu a benvida cunha clara mensaxe: “É o gran patrimonio que temos. Os veciños tamén son parte dese patrimonio, non só os peregrinos. É o camiño da luz, de gran valor inmaterial, e parece que non somos capaces de poñelo en valor. Pero tamén precisamos apoio institucional e da iniciativa privada”, segundo expresou,que convidou os presentes a seren “embaixadores desta ruta”.

Pola súa parte, Regueira definiu o noso Camiño como “unha experiencia turística de primeiro nivel, e apelou á responsabilidade ecolóxica para unha experiencia sostible, advertiu que o turismo está evolucionando. “O turista final será moito máis esixente”.

O historiador especializado no Camiño de Santiago Antón Pombo: “Este non é un camiño máis, é unha prolongación á que están vinculadas todos os demais Camiños de Santiago. É unha porta que conecta con outras dimensións. É o punto máis occidental de Europa”. Acabou suliñando que este Camiño debe ser un imán, un reto, e trasladar á sociedade que debe vir a este territorio mítico, ao menos, unha vez na vida.

A xornada finalizou cunha andaina vespertina desde o Parador ata o Santuario.

 

Novas relacionadas

comentarios