Sábado. 28.05.2022
El tiempo

O CMAT propón tres cursos de formación para desempregados para mellorar a calidade do sector turístico

Cee_AcertaFormación_012 copia
Un dos cursos xa realizados en Acerta Formación
O CMAT propón tres cursos de formación para desempregados para mellorar a calidade do sector turístico
Mentres as comitivas municipais focalizan esforzos en ensimar a mellor cara da Costa da Morte na Fitur, os empresarios do CMAT, Costa da Morte Asociación Turística, traballan na posta en marcha dun completo e necesario plan formativo para “mellorar a xestión e promoción dos servizos turísticos da comarca”.

O ente da patronal do sector aproveita a axuda da Drputación para lanzar un programa que “servirá para que as empresas turísticas do xeodestino melloren o seu posicionamento e as competencias dos seus profesionais”, como destaca a súa presidenta Mónica Rodríguez.

Os cursos, destinados a formar desempregados dos 17 concellos do xeofestino, en materias de cociña, restauración e aloxamentos realizaranse dende o mes de febreiro.

A primeira fase, que será de 105 horas e terá continuidade ao longo do ano, inclúe tres cursosm, con 20 prazas para cada especialidade:

  • Axudante de cociña.
  • Servizo de bar e restaurante.
  • Técnicas de procedementos de limpeza en aloxamentos turísticos.

O programa nace da análise das necesidades do “ecosistema turístico”, e a entidade considera que a formación a máis singular. “Tivemos constancia de que faltaba persoal cualificado como axudantes de cociña ou no servizo de hostelería e de aloxamentos turísticos”, indica Mónica Rodríguez, quen sinala que “así cubrimos o oco que faltaba na formación dos nosos futuros traballadores ao tempo que incentivamos a contratación de persoal da Costa da Morte”.

A empresa en Acerta Formación, con sede en Cee e especializada no sector turístico, é a encargada de poñer en práctica o proxecto formativo. Os cursos presenciais desenvolveranse no Fórum de Carballo. Tamén colaborará o Hotel Mar de Laxe, con sede na capital laxense e empresa socia da CMAT, onde se programará a parte práctica dos cursos.

Inscricións

Para inscribirse, os interesados poden contactar con Acerta Formación no teléfono 981.106.060 ou no email [email protected]

comentarios