En xullo de 2014 aprobouse o real decreto que regula a metodoloxía do cálculo do período medio de pago a provedores (PMP). Trátase dun indicador que mide o tempo do pago da débeda comercial dos concellos, e cuxo resultado, nun exercicio de transparencia, obrigatoriamente deberá facerse público.

Os datos máis recentes dispoñibles revelan que os establecementos comerciais de Mazaricos, Muxía e Vimianzo poden estar contentos, porque se lles abonan as facturas inmediatamente. Sen apenas retrasos. Situación parecida é a dos acredores de Cabana, Carballo, Cee, Corcubión e Zas, que cobran relativamente pronto tamén.

Sen embargo, o resto dos nosos concellos incumpren o prazo legal, ao superar os trinta días no pago. O detalle destes municipios, coa indicación do PMP, preséntase na seguinte táboa. Non se inclúen os concellos de Coristanco, Dumbría e Muros ao non constar información na páxina do Ministerio de Hacienda y Administraciones Públicas.

Observamos como Carnota, Ponteceso, Laxe e Fisterra son os municipios que –utilizando a coñecida expresión coloquial– pagan tarde, mal e arrastro, ao superar os noventa días.

Este incumprimento legal é preocupante, xa que o retraso no pago das facturas provoca, inevitablemente, tensións de liquidez nas empresas e autónomos, podendo orixinar verdadeiros trastornos financeiros e, incluso, problemas de solvencia no curto prazo. Por iso, considero que sempre é mellor deberlle aos bancos –para iso están–, que aos subministradores de bens ou servizos da localidade. Porque, non son culpables da mala programación e xestión do plan de disposición de fondos municipal.

• Domingo Guerra ([email protected]). Economista. Especialista en economía pública e política económica pola USC.

Outros artigos sobre Economía Municipal de Domingo Guerra

• Chegou o momento.
• O necesario control.
• Non vos parece?.
• A voltas coa débeda.
• Administracións de 4ª División.
• Non somos “mexebos”.
• Estamos a sufrir en silencio excesivo e sen saber até cando.
• O peixe intelixente.
• Desafíos municipai.
• O soldo do alcalde.
• Repasando o PIB dos Concellos QPC.
• Facturas no caixón.
• Débeda viva a 31/12/2013.
• Solvencia financeira municipal.
• Os concellos e a crise.
• Reposición da legalidade urbanística.
• Loito por culpa do mar.
• Remanente de tesourería.
• Eficacia recadatoria.
• Oportunidade perdida.
• Gasto de persoal.
• Rendición da conta xeral.
• A Conta Xeral.
• A contribución.
• Cuestión de confianza e moción de censura.
• Débeda municipal.
• A prórroga do orzamento municipal.
• Presión fiscal dos nosos concellos.

Fonte

• Redacción de QPC ([email protected]).