Venres. 18.10.2019
El tiempo

O xornalista carballés Manuel Rey Pan presentou o seu libro sobre a Ataxia SCA36 na Coruña

  • El mal sin cura de la Costa da Morte xa foi tamén presentado noutros puntos da zona como Cabana, Corcubión ou Carballo
Imaxe da presentación de El mal sin cura de la Costa da Morte no Edifico Abanca
Imaxe da presentación de El mal sin cura de la Costa da Morte no Edifico Abanca
O xornalista carballés Manuel Rey Pan presentou o seu libro sobre a Ataxia SCA36 na Coruña

O libro El mal sin cura de la Costa da Morte ampliou as súas fronteiras, chegando esta vez ata A Coruña onde os seu autor, Manuel Rey Pan, fixo unha presentación da obra. O evento celebrouse este mércores no Edificio Abanca, coincidindo co Día Internacional das Ataxias. Ademais, o encontro tamén contou coa presenza da doutora María Jesús Sobrido, escritora do prólogo do libro e investigadora da enfermidade, o recoñecido escritor Suso de Toro, coñecedor e participante doutros eventos relacionados coa Ataxia da Costa da Morte e a presidenta da Asociación Galega de Ataxias, Juliana Moscoso.

Previamente á presentación, a doutora Sobrido afreciu unha charla sobre as Ataxias onde explicaba aos asistentes diversos aspectos da enfermidade, así como as liñas de investigación que se están a seguir agora mesmo neste tema. Unha parte do público xa era coñecedora da enfermidade en cuestión, moitos deles pola súa vinculación directa á asociación, mais tamén descubriron outros moitos aspectos da historia da súa investigación cando menos curiosos.

Segundo explica o xornalista e autor do libro, un dos datos que adoita chamar máis a atención ao público é sobre todo a fase de investigación e o traballo de campo que realizaron os científicos. Ademais, en concreto, un dos datos que máis sorprende é a labor que fixo Ramón Moreira, un veciño de Cabana afectado pola enfermidade que contribuiu activamente na investigación, axudando a esclarecer algunhas incógnitas como a orixe da doenza ou a confirmación de que se trata dunha enfermidade xenética.

Con todo, segue a ser unha doenza descoñecida para todos aqueles “fora do núcleo cercano dos afectados”, afirma o autor. Nunha charla que tivo QPC con Rey, este comentaba que moita xente seguía a ter certas crenza erróneas en torno á enfermidade. “Hai quen cre que é cousa da endogamia, e en realidade non é iso”, explica o xornalista. Neste sentido, El mal sin cura de La Costa da Morte é unha boa forma de informar á poboación e ensinar como é realmente a enfermidade.

Onde encontrar o libro

Para todos aqueles que queiran descubrir máis en profundidade a historia da Ataxia SCA36 poden atopar o libro de Manuel Rey na web de Libros.com ou en librerías de distintos puntos da Costa da Morte. Algunhas delas son:

  • (Ponteceso) A tenda dos libros
  • (Carballo) Punto e Coma, Librería LER e Librería Brañas Verdes
  • (Vimianzo) Librería Roget
  • (Malpica) Librería Miguens
  • (Corme) Papelería Vidú e Kiosko de Inma

Comentarios