Sábado. 08.08.2020
El tiempo

Orballo Cultural, a nova iniciativa musical da Costa da Morte

O ciclo de concertos dará comezo este sábado en Carballo coa actuación de M-Clan
Orballo Cultural, a nova iniciativa musical da Costa da Morte

O xermolo cultural na Costa da Morte é imparable. Así o demostra Orballo Cultural, un novo proxecto que traerá á nosa zona todo un ciclo de actuacións musicais durante o verán en varias localizacións especiais da Costa. Un total de 14 actuacións poderán ser desfrutadas en lugares tan emblemáticos como O Fórum de Carballo, O Parador da Costa da Morte en Muxía, O Semáforo en Fisterra ou o EcoMuseo Forno do Forte en Buño.

O ciclo non pode arrincar mellor que coa actuación de M-Clan en acústico este sábado 25 de xullo n Carballo. Un concerto que, segundo indican, promete ser íntimo ao contar cun aforo moi reducido para poder cumprir con todas as medidas de seguridade. O dúo formado por Carlos Tarque e Ricardo Ruipérez presentará algúns dos seus últimos temas e, por suposto, tocarán varios dos seus clásicos.

Vindeiras actuacións

M-Clan é o punto de partida desta nova iniciativa musical e por diante quedan outras 13 actuacións que se repartirán ao longo de todo agosto. A partir do próximo 27 de xullo, ás 12 horas, estarán á venda as entradas para o resto de concertos que compoñen o ciclo. Estas poden conseguirse a través da web woutic.es

Igual que no evento deste sábado, todas as actuacións contarán cun aforo moi reducido co fin de poder garantir todas as medidas de seguridade necesarias.

Programación orballo cultural

comentarios