Mércores. 21.08.2019
El tiempo

Portugal degusta os produtos e disfruta da oferta lúdica da Costa da Morte

O Asalto ao Castelo na Feira Ibérica de Turismo da Guarda
O Asalto ao Castelo na Feira Ibérica de Turismo da Guarda
Portugal degusta os produtos e disfruta da oferta lúdica da Costa da Morte

Unha nova Feira de turismo pola península e a Deputación leva unha completa demostración do poder da Costa da Morte. Ademais, a VI Feira Ibérica de Turismo (FIT) da Guarda é un perfecto escaparate para a nosa bisbarra, pois Portugal é un target ideal para atraer turistas. Un xeito, tamén de estreitar lazos co noso país irmán, pois a Deputación da Coruña é o destino convidado deste ano.

Desta volta, ademais de gastronomía, a nosa bisbarra terá presente algunhas das actividades máis singulares. Dende o pasado xoves leva xa unha completa expedición provincial na zona, comandanda polo deputado carballés Xosé Regueira (na foto de abaixo). “Alén do Turismo, para as galegas e galegos Portugal segue sendo algo así como o ‘noso propio Sul’, e desexamos que para os portugueses e portuguesas A Coruña chegue a ser tamén unha especie do ‘seu propio norte’”, destacou o responsábel da área de Turismo da Deputación coruñesa durante a inauguración da feira.

Xose Regueira na Feira Iberica de Turismo de Portugal

“Queremos que a FIT sexa ese espazo de encontro como destino atlántico, e que sexa tamén o punto de partida de multitude de camiños que leven futuro e progreso de Portugal á Coruña, e da Coruña á Portugal”, destacou.

Ademais de reputados chefs de "Coruña Cociña" como Chisco Jiménez ou Gonzalo Padín, a vangarda gastronómica galega estivo presente da man dos pinchos irmandiños cociñados por Jorge Guitián e Anna Mayer. Outra das estrellas da xornada inaugural foi o pan e a empanada de Carballo, que degustaron todos os asistentes con devoción.

Alén da gastronomía, a riqueza cultural e patrimonial tamén foi un dos recursos utilizados. Así, os Oleiros de Buño e as redeiras de Malpica amosaron aos presentes durante esta primeira a singularidade dos seus oficios.

O venres á tarde terá lugar a presentación do Asalto ao Castelo, esta singular cita histórica-festexeira que busca ser catalogada como Festa de Interese Turístico Galego.

O sábado continuarña a mostra en vivo da olería de Buño así como unha exhibición do traballo das palilleiras de Camariñas. Durante esta xornada tamén está prevista a presentación do Grand Trail da Costa da Morte, a actuación musical itinerante, a famosa Batucada do concello de Laxe.

Redeiras de Malpica na Feira Iberica de Turismo
Redeiras de Malpica na FIT

Pan de Carballo na Feira Iberica de Turismo de Portugal
Pan de Carballo na FIT

Novas relacionadas

Comentarios