Chega o Outono e unha das asociacións máis naturalmente activas da comarca de Bergantiños ponse en marcha. Así, esta semana no local social de Seavia presentaban o seu novo programa "II Outono en marcha". Unha presentación á que asistían unhas 30 persoas, representantes dos concellos colaboradores: A Laracha, Carballo e Coristanco, así como membros da AAVV San Mamede de Seavia e da Asociación Ambiental Senda Nova.

Ademais destas entidades, colabora no programa de rutas Protección Civil de Carballo e entidades e persoeiros diversos, moitos deles das parroquias por onde van pasar as rutas.

Como sempre as rutas son as protagonistas. O programa este curso está composto por 7 rutas, combinando litoral como unha pola praia e unha etapa do Camiño dos Faros, interior, ríos, patrimonio cultural, histórico, etnográfico...

Rutas do Outono en Marcha

• 27 de outubro: Coristanco Histórico.
• 2 de novembro: Razo-Baldaio (Carballo).
• 10 de novembro: Ruta das Férvedas (Carballo).
• 24 de novembro: Terra do Marqués (Carballo).
• 1 de decembro: Tras as pegadas do Wolframio (Carballo-Malpica).
• 8 de decembro: Ríos de Sofán (Carballo).
• 15 de decembro: Camiño dos Faros (Arou-Camariñas).

Avance en vídeo

• Máis información:  www.sendanova.org.

Novas relacionadas

• A ornitoloxía tamén embriaga aos trasnos.
• O xogo tradicional volve a Bergantiños.
• Recunchos: A Férveda de Rus pola Ruta das Férvedas.

Fonte

• Redacción de QPC (info@quepasanacosta.gal).