Xoves. 28.03.2024
El tiempo

A Buserana rexeita as ofertas emprego sexistas

A Buserana rexeita as ofertas emprego sexistas

A Asociación Feminista Buserana quere facer público o seu rexeitamento e indignación ante as últimas e reiteradas ofertas de emprego para mulleres en hostalería ou oficinas, onde o requisito principal e imprescindible vén sendo unha entrevista persoal en roupa interior, ter determinados atributos físicos ou agardar complaciencia para coa clientela.

Ante as cada vez máis frecuentes denuncias de afectadas, os medios empezan a facerse oco e a deixar de tratrar eses denigrantes anuncios coma un caso aillado, por máis que aínda quede quen o trate como algo banal ou que incita á broma. Porque aí é onde radica o perigo de non dar rematado coa imaxe da muller coma mero obxecto, sen outro mérito que dar satisfacción e compracer ós homes.

Buserana amosa a súa repulsa e incide nas denuncias ante estes casos, para visibilizalos e impedir que proliferen. A crise no pode ser escusa para aproveitarse da necesidade e desesperación de mulleres que só buscan un traballo e o que acaban atopando é machismo e degradación. Violencia unha vez máis contra as mulleres. Non o tomes a risa.

Novas relacionadas

Fonte

Comentarios