Aquí estamos un ano máis, xa entrado o verán, esperando para disfrutar da noite máis curta do ano. E na Costa da Morte segue medrando o amor por esta meiga festa nocturna, que enche de lumes as praias da zona. Coas 7 herbas de San Xoán preparadas para lavar a cara na mañá do martes 24 de xuño, facemos un repaso das actividades que temos recollidas na Axenda para saber onde podemos disfrutar do San Xoán costeiro,

Unha das citas máis importantes é o San Xoán carballés. Este luns teremos o concurso de cachelas ás 19:00h, e ás 23:00h comezará a verbena coa orquestra Compostela. Pero ollo, que as festas continúan ata o domingo 29, rematando co Festa do Bosque.

E non pararemos, pois temos festas para aburrir. Temos as Festas do San Xoán de O Esto e as Festas de Anos, ambas en Cabana; as Festas de San Xoán de Serres, en Muros; as Festas de San Xoán de Sardiñeiro, en Fisterra; e o San Xoán de Camariñas coa Lumarea.

Teremos tamén unha noite de Larada no Ézaro, un dos epicentros do San Xoán nestes últimos anos. Desta volta, oviovaR arma unha fermosa larada, con churrascada e verdulada, e unha festa rachada detrás da casa de pedra.

Para o martes ademais, Festas de San Xoán de Berdeogas e as Festas de San Xoán de Mazaricos.

Máis información

• www.axendacostadamorte.com.

Novas relacionadas

• As 7 herbas de San Xoán.
• San Xoán 2013: Un San Xoán de xurelos e muxicas.
• San Xoán 2012: Fermosa noite vermella de San Xoán.
• San Xoán 2011: Herbas, sardiñas e lume para unha noite cada vez máis meiga na Costa da Morte.
• San Xoán 2010: O lume bailou a ritmo de blues .
• San Xoán 2009: A Costa tamén vivíu a súa noite meiga a lume lento.
• San Xoán 2008: Un San Xoán sen cacharelas pero con blues e herbas.

Fonte

• Redacción de QPC ([email protected]).