Berto releva a Pepucho no banco do Camariñas

Xa nolo apuntaban esta fin de semana. Era máis que probable a destitución de Pepucho do banco do Camariñas trala mala xeira de resultados do equipos. O cadro conserveiro atópase na 15ª praza da 1ª Autonómica, empatado a puntos co Cacheiras e Ponteceso, penúltimo na táboa. A derrota desta semana ante o Unión provocaba que a directiva decidise destituír a Pepucho.

Alberto Suárez Fuentes, Berto, volve ao Camariñas. Xa levaba case un ano sen adestrar por asuntos familiares pero agora, ca chamada do equipo da súa vila, e con peticións da directiva e dalgún xogador, Berto non pode dicir que non.
Xa foi adestrador en 2 ocasións durante 3 anos cada vez, e co cadro camarián xa se fixo campión da Liga da Costa, cegou a semifinais da Copa, e mesmo estivo un ano imbatido, quedando, iso si, 2º por detrás dun impresionante Castriz.
Agora tralo seu paso polo Zas e Ponteceso, volve ao Camariñas FC.

"Faltan 13 partidos, a cousa non está fácil pero hai equipo para estar máis arriba", asume Berto. "Se remamos todos no mesmo sentido, podemos sacar o equipo adiante, pero a labor dos xogadores é fundamental", coméntanos.

Máis información


Crónicas da semana

Artigos relacionados

Fonte

  • Redacción de Deportes de QPC (deportes@quepasanacosta.gal).