Xornada clave esta primeira de abril no Fútbol da Costa, con dous títulos en liza, e moitas posicións de descenso en xogo, traendo partidos de infarto.
Parte de sancións
O detalle máis salientable, os 6 partidos para o xogador do Porteño, Caamaño, e os 50€ de multa para o club, tras desestimar o Comité as alegacións.
Preferente
Iago Castro (Dumbría).
Pablo Muíño (Dumbría - 2 partidos).
Héctor Sarcedo (XSC).
Aperc. Pref.: - Aarón Fdez. (Dumbría).
1ª Autonómica
Berto Suárez (Adest. Camariñas).
Francisco Bermúdez (Del. Camariñas - 3 partidos).
Manuel Mouzo (Del. Baio).
Norber González (Baio).
Aperc. 1ª: - Fernando Varela (Malpica). - David Lema (Camariñas). - Kike Paluca (Esteirana). - Andel Fdez. (Esteirana).
2ª Autonómica
David Dourado (Buño).
Alberto García (Castriz).
David Agra (Castriz).
José Caamaño (Porteño - 6 partidos).
Sergio Varela (Porteño).
Brais Sendón (Volantes).
Elías Ruso (Outes).
Iván Caamaño (Muros).
Juan José Armental (Del. Muros).
Mateo Fernández (Muros).
Eloy García (Cabana).
Alan Insua (Corcubión).
Toniño Veiga (Corme).
Dani Cousillas (Corme).
Aperc. 2ª: - Adrián Ramos (Camelle). - Felipe Barreiro (Camelle). - Marcos Cili (Castriz). - Quin Martín (Outes). - Piki Sanmpedro (Outes). - Angeliño Insua (Cee). - Pablo Martínez (Sofán). - Adrián Fraga (San Lorenzo). - Sergio París (Muros). - Sandro Carballo (Cabana). - Sebas Cortejoso (Corcubión).
E arrincamos o repaso pola Preferente, con 3 partidos vitais para os nosos. Por arriba, o Dumbría ten que vencer a un Chantada que non se xoga nada e esperar que o Silva tropece ante o Estudiantil para volver a meterse nos postos de Promoción. Por abaixo, máis urxencias ten o Soneira, ao que pode que lle chegue o último tren, unha visita a un Narón aínda en postos de descenso directo pero con 9 puntos máis que os vimianceses. O XSC tamén necesita sumar para saír dos máis que probables postos de arrastres e para iso recibirá a un Residencia na zona morna.
Un dos partidos da xornada será o derbi da 1ª Autonómica. Un derbi de UCI. O Ponteceso, con 21 puntos, recibe ao Camariñas, con 23. A día de hoxe están a 7 da permanencia, contando con algún arrastre fixo, polo que a falta de 5 xornadas o que non sume os 3 puntos case que se pode despedir da categoría. Polo demais, o Malpica ten que facerlle un favor aos compañeiros de abaixo e vencer ao Amio para seguir loitando co Arzúa pola 2ª praza. Ademais, o Baio visita ao Lamela, outro dos de abaixo, e a Esteirana quere sumar 3 puntos que lle dean a tranquilidade necesaria para afrontar as últimas xornadas.
Importante, xa o son todas, a xornada na 2ª Autonómica. Por arriba, a loita entre Corme e Sofán contunúa aberta. Os cormeláns reciben ao Cabana mentres o Sofán terá un derbi carballés sempre complicado e intenso en Verdillo. Un deses partidos para disfrutar da esencia do Fútbol da Costa. Pero máis importante é a xornada por abaixo. Os máis que posibles dous arrastres da 1ª fan que as 3 prazas de descenso estean candentes. O Corcubión pode case que dicir adeus esta xornada se non gaña a un Buño que quere 3 puntos que lle deixen case safo. O Muros recibe a todo un Fisterra e o Camelle terá un duelo fraticida ante o Castriz, con só 3 puntos de diferencia entre ambos. O Volantes ten que visitar a un Zas aínda na loita polo título. E en Mazaricos, o cadro amarelo e o Porteño buscarán 3 puntos que tamén lles dean a tranquilidade.
Moito en xogo na 3ª
Con este fantástico vídeo chega a derradeira xornada na 3ª Autonómica co título en xogo, e moito máis, con horario unificado. O domingo, o Agra da Filgueira acollerá un Montelouro-Baíñas que se presenta como unha finalísima. O empate lle vale ao cadro vimiancés pero o Louro, se gaña, arrebataríalle un título que leva traballando o Baíñas toda a temporada, pois leva 18 xornadas de líder. Así, os afeccionados vimianceses que queiran acodir poderán facelo no bus que fleta o equipo, que sairá ás 15:30h de diante da nave de Autos Costa, en fronte do Supermercado Muíño. Pero ademais, a atención centrarase en Arliña. O Muxía recibe ao Seaia, e quen venza se meterá na Promoción, se ben o empate pode que non lle sirva a ninguén, xa que se o Nantón gaña ao Laxe e muxiáns e malpicáns empatan, sería o Nantón o que se metería na promoción. En caso de que ademais o Ameixenda caese co Castrelo, habería un triple empate no que quedarían fóra o Seaia e o Ameixenda, meténdose Nantón e Muxía, acompañando a Coristanco e Lira. O que parece que non se vai disputar é o Lira-Corcoesto, pois tras varias semanas con problemas de efectivos, asuntos laborais, lesións e sancións impiden que o cadro cabanés consiga xuntar 11 xogadores. A Federación xa está avisada de que o Corcoesto non sei vai presentar en Lombáns.
Clave tamén a penúltima xornada da Liguila Previa á Fase de Ascenso á Liga Galega Xuvenil. A Esteirana recibe ao Dumbría e o que venza terá o título da Liga Xuvenil na man. Ambos serán os representantes costeiros na Fase. E se xa rematou o Grupo Norte da Liga da Copa da Costa Xuvenil co Castriz fóra, quedan dúas xornadas no Grupo Sur. A atención, ver quen acompaña ao Lira fóra dos Oitavos, con Muxía e Mazaricos como principais competidores.
Teremos ademais a Volta da Previa da I Copa da Costa Infantil, con 3 partidos. E ollo ás Ligas Sur das categorías inferiores, pois xa se achegan ao final, cando faltan 4 xornadas para o final. En Alevíns, o Fisterra pode alcanzar ao Dumbría aproveitando o seu partido de descanso. E en Benxamíns, o Outes, se gaña en Cee, será matematicamente campión.
E para rematar, pode o Coristanco asestar un golpe final ao título da Liga de Veteranos se vence ao Xuventud de Bergantiños. Quedarían 2 xornadas e alomenos 6 puntos de distancia ante Bértoa e Soneira, aínda con algún choque directo en cernes. En 2ª División, o Corocoesto poderá celebrar o ascenso se vence ao Leiloio.
* O Lira-Corcoesto probablemente non se dispute, pois o cadro cabanés xa avisou ao clube liracho e á Federación de que non xunta efectivos suficientes para presentarse en Lombáns.
