O Gato parapenaltis

O Gato parapenaltis

10:20 27/03/14

Non é para nada normal o que está facendo o porteiro do Outes. Juan Rivas Alende, máis coñecido como Gato, leva nada menos que 6 penaltis parados esta temporada. O seu equipo, o Outes, leva 11 penaltis en contra, pero só 5 conseguiron superalo. I é que os 6 parounos, ningún foi fóra. O caso é que Gato, non sabemos como, estudia aos seus rivais, e xa sabe por onde o tiran normalmente boa parte dos especialistas da Liga da Costa. Ademais, ningún dos 11 sinalados foi cometido por el, todos por mans ou por faltas da defensa. E repasamos todas as crónicas da 2ª para recuperar os penaltis que sufría o Outes, puidemos comprobar a súa importancia. "Tivo o equipo rival o empate pero Gato salvou dúas xogadas que puideron cambiar o partido" ou "Gato se convertiu na figura do partido" son frases tremendamente repetidas nas crónicas. O seu míster Manu Roque así o certifica, asegurando que "Gato é o xogador máis comprometido e profesional que tiven". E agora antóxase máis importante que nunca, trala lesión do meta suplente Mosti.

Penaltis recibidos por Gato

Parados	Encaixados
Mario, Corcubión (X.1)	Ivi, Volantes (X.7)
Nakata, Carnota (X.5)	Diego Cespón, Cee (X.14)
Poyo, Carnota (X.5)	Javi, San Lorenzo (X.15)
Juan Chans, Corme (X.17)	Lucas, Corme (X.17)
Ismael, Porteño (X.25)	Ferreiro, Carnota (X.22)
Molinos, Mazaricos (X.28)	-

Arrincaba a temporada espectacular Gato, con 3 penaltis sufridos e 3 penaltis parados. Xa na 1ª xornada paroulle un a Mario do Corcubión e dous penaltis na xornada 7, o que conseguía superar por primeira vez a Gato, pero o tanto de pouco lle servía ao seu Volantes. Na xornada 14, Diego Cespón marcaba de penalti un dos 4 goles da vitoria ceense. E o 3º que lle colaban a Gato foi de Javi, na xornada 15 para darlle a vitoria ao seu San Lorenzo. Lucas metía na xornada 17 o gol da vitoria do Corme no min.93, pero antes xa parara Gato unha pena máxima a Juan Chans. Ferreiro, do Carnota, un gran especialista, si que o superaba na xornada 22, pero na xornada 25, era Ismael, do Porteño, o que fallaba. E para rematar a lista, esta pasada xornada 28 o mazaricán Molinos era o 6º que non podía superar a Gato.