Último día para anotarse nun Desafío con máis de 370 inscritos
Hoxe, mércores 4 de xuño ás 23:59h, remata o prazo para inscribirse no Desafío del Atlántico. Se o máis probable é que a cita supere os 400 ao final da xornada de hoxe, por agora xa temos inscritos de toda Galicia, Castilla e León, Extremadura… así como nótase un aumento de participación feminina.
Ademais, a través do Facebook do Desafio van subindo datos interesantes como estos:
Máis profesionais na saída
Se o humorista Marcos Pereiro (a Nucha) estará na saída e intentará subir por primeira vez o Mirador (esperemos que non lle pase nada…), o profesional Gustavo César Veloso, segundo clasificado na pasada Volta a Portugal, será un dos protagonistas na liña de saída. Trátase do único galego que ascendeu o Mirador de Ézaro nunha gran competición, durante a Volta a España 2012. Xunto a el, estará tamén Delio Fernández. Ambos son compañeiros de equipo no OFM - Quinta da Lixa e manteñen unha gran relación. O elenco de ciclistas complétano Ezequiel Mosquera, presente xa en 2013, e Miguel Ángel Igrexas, mencionado en informacións anteriores.
Exposición
Desde este martes 3 de xuño xa está aberta a exposición sobre a “Historia da Bicicleta” no Ézaro. Sobre ela, o alcalde de Dumbría, José Manuel Pequeño, subliñou que é unha exposición do vehículo protagonista da marcha. Poderase apreciar a diferenza das bicicletas entre as de agora, coas que é relativamente fácil ascender Ézaro, e as de antes, coas que era imposible.
Máis información e inscrición
Novas relacionadas
- O Desafío do Atlántico servirá para reivindicar a Barca.
- BTT da Caramiña: A carreira máis dura da Costa da Morte.
- “O Mirador do Ézaro convírtese nun porto mítico en Galicia referencia da peregrinaxe do ciclismo”.
- O Desafío do Atlántico tamén se espalla por Pontevedra.
- Arrinca o Desafío do Atlántico: “O Mirador do Ézaro é un monumento do ciclismo internacional”.
- 130 ciclistas disfrutaron da beleza das nosas estradas no II Trofeo Luso-Galaico
- Alfredo Relaño: “Non coñecía este emprazamento privilexiado ata que o ciclismo o ensinou ao mundo”.
- Dumbría, único concello costeiro no Circuito Provincial BTT.
- Aberto o prazo de inscrición para o Desafío del Atlántico.
- Dumbría subiuse á bici de montaña.
- Un 2014 sen Vuelta pero cun gran Desafío del Atlántico.
- A tregua meteorolóxica permitiu un espectáculo de primeira no Ciclocross de Dumbría.
- 2013: Volta a España con Final na Fin do Mundo.
- 2013: O tempo non foi Desafío abondo para o pelotón.
Fonte
- Redacción de QPC (info@quepasanacosta.gal).
- Desafío del Atlántico.